AAK: Marrëveshja e Kosovës me MCC-në është meritë e ish-kryeministrit Haradinaj

Egzon Dahsyla

Aleanca për Ardhmërinë e Kosovës (AAK), ka thënë se marrëveshja e Qeverisë së Kosovës, e nënshkruar ditë më parë me Korporatën Sfidat e Mijëvjeçarit (MCC), është meritë e kryetarit të saj dhe ish-kryeministrit Ramush Haradinaj.Në një reagim në Facebook, AAK ka thënë se programi ‘Compact’ i kësaj marrëveshjeje ishte miratuar në kohën e Ramush Haradinajt.“Ky është sukses i përbashkët i qeverisë amerikane dhe ish kryeministrit Haradinaj. Kjo jo për t’u lavdëruar apo për meritë, por veç për hirë të së vërtetës”, thuhet ndër të tjera në reagimin e AAK-së.Gjithashtu, kjo parti ka kritikuar kryeministrin Albin Kurti, duke thënë se këtë marrëveshje do duhej ta nënshkruante më herët, e jo sipas tyre, pas presioneve të vazhdueshme.
“Mirë do të ishte ta kishte pranuar menjëherë e jo pas presioneve të vazhdueshme që ia kemi bërë. Por më mirë vonë se kurrë. E pjesa tjetër sikur ky qenka një sukses i qeverisë së tij, nuk është gjë tjetër përpos fukarallëk”, thuhet në reagimin e AAK-së.Dje Korporata e Sfidës së Mijëvjeçarit (MCC) ka thënë se kanë nënshkruar një marrëveshje me Kosovën në vlerë prej 236.7 milionë dollarë.MCC përmes një postimi në Twitter ka thënë se kjo marrëveshje është krijuar për të forcuar sektorin e energjisë së Kosovës.

ExpressAktiv

Kallxo.com